Sit sa a bay enfòmasyon legal jeneral. Enfòmasyon sa yo pa konsèy legal. Lwa ki aplike pou moun k ap rive nan fwontyè Kanada-Etazini an konplike. Chak sitiyasyon diferan. Nou ankouraje ou chèche konsèy legal. Ou ka kòmanse pa pran yon randevou gratis ak avoka nou an pou jwenn konsèy legal sou sitiyasyon ou.
Kesyon Komen
Kisa k ap pase si yo jwenn mwen pa elijib pou fè yon reklamasyon nan fwontyè Kanadyen an?
Si ou apwoche fwontyè a epi ou pa satisfè ak yon eksepsyon anba Akò Twazyèm Peyi Sekirize (Safe Third Country Agreement - STCA), yo pral voye ou tounen nan Etazini imedyatman. Ou pap ka fè yon reklamasyon refijye nan Kanada ankò.
Kontakte nou pou konsèy legal si ou panse yo jwenn ou pa elijib pou yon rezon ki pa kòrèk oswa si sitiyasyon ou chanje epi ou kwè ou kounye a satisfè yon eksepsyon nan STCA.
Eske mwen ka fè apèl sou desizyon inelijibilite a?
Ou pral resevwa yon dokiman ki esplike ke ou gen 15 jou pou mande Tribinal Federal Kanada pou revize desizyon ou. Sa a rele aplikasyon pou kite ak revizyon jidisyè. Li pa menm bagay ak yon apèl. Li difisil pou jwenn yon avoka e li ka difisil pou reyisi ak aplikasyon sa a. Ou bezwen konsèy legal.
Si ou kwè ou satisfè yon eksepsyon nan Akò Twazyèm Peyi Sekirize (STCA) epi yo te pran desizyon an mal, ou ka mande pou Canada Border Services Agency (CBSA) reconsidere desizyon yo. Ou ta dwe jwenn yon avoka pou fè sa. Sa a pa yon pwosesis senp.
Kontakte nou pou konsèy legal sou opsyon ou apre yo fin jwenn ou pa elijib.
Mwen te resevwa yon Lòd Ekspilsyon. Kisa sa a vle di?
Si reklamasyon refijye ou a jwenn inelijib paske ou pa satisfè ak yon eksepsyon nan Akò Twazyèm Peyi Sekirize (STCA), ou pral resevwa yon dokiman yo rele yon Lòd Ekspilsyon. Sa a se yon kalite lòd deplasman ki vle di ou ap oblije kite imedyatman. Lòd la di ou pa ka antre nan Kanada pandan 1 an sòf si ou jwenn pèmisyon ekri nan gouvènman Kanadyen an pou retounen pi vit. Gen kèk sitiyasyon kote ou ka kapab retounen nan Kanada nan menm ane a.
Kontakte nou pou jwenn konsèy legal sou Lòd Ekspilsyon ou.
Kisa k ap pase avè m si yo voye mwen tounen nan Etazini?
Sa depann sou sitiyasyon ou ak estati ou nan Etazini. Si sa rive, ou ta dwe eseye jwenn sipò legal nan Etazini.
Ou ta ka detni pa otorite imigrasyon Etazini si yo voye ou tounen nan fwontyè a. Se poutèt sa li enpòtan pou ou jwenn konsèy legal sou sitiyasyon ou anvan ou apwoche fwontyè Kanadyen an.
Si yo detni ou nan Etazini, ou ka kontakte Inyon Nasyonzini pou Refijye (UNHCR) nan liy asistans pou detansyon pa rele 566# soti nan yon enstalasyon detansyon. Liy asistans la ouvè lendi, mèkredi ak vandredi soti nan 2 p.m. rive 5 p.m. Lè Estanda Lès.
